राहुरी फॅक्टरीतील विवेकानंद नर्सिंग होम पाठीमागील टाकीत पडलेल्या बिबट्याला रेस्क्यू ऑपरेशन करून पकडले...

राहुरी फॅक्टरी (प्रतिनिधी)

राहुरी फॅक्टरी येथील विवेकानंद नर्सिंग होमच्या पाठीमागील टाकीत आढळून आलेल्या  बिबट्याला पकडण्यासाठी वन विभागाने तब्बल दोन तास  रेस्क्यु ऑपरेशनकरून जेरबंद केले आहे.

राहुरी फॅक्टरी येथील सूर्यानगर, इंजीनियरिंग कॉलेज, गीते वस्ती व तनपुरे कारखाना परिसरात नेहमीच या बिबट्याचा वावर बघावयास मिळत होता.या बिबट्याने येथील अनेक शेळ्या, कोंबड्या फस्त केल्या होत्या व त्याचबरोबर येथील नागरिकांना देखील अनेक वेळा बिबट्याने दर्शन दिले होते.

आज दुपारी येथील इंजीनियरिंग कॉलेज परिसरातील पाण्याच्या टाकी मधील  बिबट्या पडलेला दिसताच स्थानिक नागरिकांनी वनविभागास कळविले. त्यानंतर वनविभागाची रेस्क्यू टीम तसेच  देवळाली प्रवरा नगरपालिकेच्या अग्निशामक टीमला पाचरण केले.सदर बिबट्या हा दोन पाण्याच्या टाकींना जोडणाऱ्या पाईपमध्ये अडकला असता.वन विभागाने  रेस्क्यू ऑपरेशन करत सदर बोगद्या ठिकाणी पिंजरा लावला. त्यानंतर दोन तासांच्या टीमच्या अथक प्रयत्नानंतर अखेर बिबट्या पिंजऱ्यात जेरबंद झाला.

यावेळी वनपरिक्षेत्र अधिकारी युवराज पाचारणे मार्गदर्शनाखाली, एसीफ गणेश मिसाळ, राजू रायकर, श्री. गिरी, श्री.शेंडगे, ताराचंद गायकवाड, कृष्णा पोपळघट,अभी सांगळे तसेच वनविभाग  रेन स्टॉप विभाग, देवळाली प्रवरा नगरपालिका मुख्याधिकारी विकास नवाळे यांच्यासह भारत साळुंके व कर्मचारी तसेच देवळाली प्रवरा नगरपालिकेचे माजी नगराध्यक्ष सत्यजित कदम यांनी अथक परिश्रम घेतले. यावेळी सचिन सरोदे,मंगेश ढुस,बाळासाहेब पडागळे,निखिल गोपाळे,विलास पवळ,मयूर कदम,आशु सांगळे गोरख नरोडे राजू साळुंके,मंगेश ढुस,तुषार बोऱ्हाडे आदिंसह नागरीक उपस्थित होते.

पकडलेल्या बिबट्या पाहण्यासाठी नागरीकांनी मोठी गर्दी केली होती.