साई आदर्शची १२७९ कोटी रुपयांची उलाढाल - शिवाजीराव कपाळे

राहुरी फॅक्टरी (प्रतिनिधी) :

साई आदर्श मल्टीस्टेटने 2024 -25 या आर्थिक वर्षांमध्ये 1279 कोटी रुपयांची वार्षिक उलाढाल केली असल्याची माहिती संस्थेचे संस्थापक चेअरमन शिवाजीराव कपाळे यांनी दिली.

याबाबत पत्रकारांशी बोलताना शिवाजीराव कपाळे यांनी सांगितले की संस्थेने स्थापनेपासून पारदर्शक कारभार केला असल्याने संस्थेचा आलेख दिवसेंदिवस उंचावत आहे. ठेवीदार, सभासद ,कर्जदार ,हीतचिंतक  याचबरोबर अधिकारी ,कर्मचारी यांच्या सहकार्याने संस्था आपला आर्थिक आलेख उंचावत आहे. याचाच परिणाम म्हणून सन 2024 -25 या आर्थिक वर्षांमध्ये संस्थेने सुमारे 1279 कोटी रुपयांची वार्षिक उलाढाल केलेली आहे. ठेवीदारांनी मोठा विश्वास टाकल्याने 170 कोटी पर्यंत ठेवीचा पल्ला संस्थेने गाठला आहे. येत्या आर्थिक वर्षामध्ये हा आकडा नक्कीच 200 कोटींच्या पुढे जाईल याची आम्हाला खात्री आहे. संस्थेने 111 कोटी 62 लाख रुपयांचे एकूण कर्ज वाटप केलेले आहे. त्याचबरोबर 54 कोटी 93 लाख रुपयांची संस्थेने बँकांमध्ये गुंतवणूक केलेली असून सोनेतारण व ठेवतारण कर्ज 72 कोटी 13 लाख रुपयांचे वितरित केलेले आहे. संस्थेचा समिश्र व्यवसाय 281 कोटी 98 लाख  इतका झाला असून संस्थेकडे 4 कोटी 13 लाख रुपयांचा स्वनिधी आहे सहकार खात्याच्या नियमानुसार 63% इतका सीडी रेषो आहे. तर खेळते भांडवल 176 कोटी 12 लाख आहे.वसुली चांगली असल्याने थकबाकीचे प्रमाण अत्यल्प आहे. सर्वांच्या विश्वासाने संस्था यशाचे डोंगर पार करीत आहे संस्थेचा हा आलेख पुढे नेण्यासाठी आम्ही नेहमी प्रयत्नशील आहोत. यापुढेही संस्थेचे कार्य अशाच प्रकारे जोमाने चालू राहील. संस्था फक्त अर्थकारण करीत नाही तर  संस्थेच्या माध्यमातून अनेक सामाजिक कामे देखील केली जात आहेत. त्यातून समाजाच्या अनेक घटकांना फायदा होत आहे. हीच विश्वासार्हता आम्ही टीकउन ठेवणार आहोत. संस्थेच्या यशामध्ये संस्थेचे संचालक मंडळ सर्व अधिकारी कर्मचारी, खातेदार, ठेवीदार ,पिग्मी एजंट तसेच हितचिंतक साई आदर्श परिवार यांचा सिंहाचा वाटा असल्याचे वेदांत कपाळे यांनी सांगितले.

याप्रसंगी विष्णुपंत गीते, बाळासाहेब तांबे,किशोर थोरात,अविनाश साबरे,पारस नहार,विलास पाटील,मयूर पांगरे,चांगदेव साळवे व मॅनेजर सचिन खडके आदी उपस्थित होते.